മുറിച്ചിട്ടും തളിര്‍ക്കുന്ന ചില കാഴ്ചകള്‍

പുഴക്കിക്കരെ വരെ കൂട്ട് വരും

അകന്നും,

അടുത്തും

നട്ട മരങ്ങള്‍ക്കിടയിലൂടെ

തണല്‍.



മഴക്കാലത്തെപ്പൊലെ

കുടയും

ഞാനന്ന്

മറന്നു വെക്കും.



കൂടെ വരട്ടെയെന്ന്

കാതില്‍ മന്ത്രിക്കും

പരല്‍ മീനുകള്‍

‍പിടിച്ചുതിന്നുമെന്നു

ഭയപ്പെടുത്തി

തിരിച്ചയക്കാന്‍ശ്രമിക്കും.





എന്നിട്ടും

ഒരേ ഉയിരും,

ഉടലുമായ്

പുഴനീന്തി മറിയവെ

പിന്നില്‍ നിന്നും

ചൂണ്ടയിട്ടു കൊളുത്തിവലിക്കുന്ന

വേദന ഞാനറിയും.





ഇപ്പൊള്‍

പുഴക്കിക്കരെ നിന്നു ഞാന്‍ കാണുന്നു

മുറിച്ചിട്ടുംതളിര്‍ക്കുന്ന

ചിലകാഴ്ചകള്‍.