എന്താണ് NLP? എങ്ങിനെയാണ് NLP നമ്മുക്ക് പ്രയോജനപ്പെടുന്നത്?
ഡോ.ഏബ്രഹാം സ്വന്തമായി രൂപപ്പെടുത്തിയെടുത്ത ക്രമാനുസൃതമായ,രീതിയാണ് ഇവിടെ അദ്ദേഹം പഠിപ്പിക്കുന്നത്. NLP പോലെയുള്ള പല മനശാസ്ത്ര പഠനങ്ങളെ ആസ്പദമാക്കി, ആശയാധിഷ്ടിതമായ ഒരു രീതിയാണ്,ഡോക്ടര്‍, വികസിപ്പിച്ചെടുത്തിരിക്കുന്നത്. "Better You" ഇതാണ് ഈ പാഠ്യപദ്ധതിയുടെ പേര്. നമ്മുടെ മനസ്സിനെ കൂടുതല്‍ മനസ്സിലാക്കുകയും, അതു വഴി , ശക്തമായ ചില ഏടുകള്‍ തിര‍ഞ്ഞുപിടിക്കുകയും, എന്നാല്‍ ബലഹീനമായ പല സ്വഭാവരീതികളെയും ത്വരിതപ്പെടുത്തുകയും ചെയ്യുന്നു.നമ്മുടെ ഉള്ളിലുള്ള സ്വന്തം കഴിവുകളെത്തന്നെ വ്യക്തിപരമായ ആശയവിനിമയത്തിനായി ഊര്‍ജ്ജസ്വലീകരിക്കുക.സ്വന്തം മനസ്സിലും , മറ്റുള്ളവരുടെ മനസ്സിലും നടക്കുന്ന ചിന്തകളെക്കുറിച്ച് നിങ്ങള്‍ മന‍സ്സിലാക്കാന്‍ മിനക്കെടാറുണ്ടോ? ഇല്ലെങ്കില്‍ അങ്ങനെയുള്ള ഒരവസ്ഥയില്‍ നിങ്ങളുടെ മനസ്സില്‍ അന്തര്‍മുഖിയായിട്ടിരിക്കുന്ന ശക്തികളെ ഉപയോഗിച്ച്, നിങ്ങള്‍ക്കു തന്നെ ഒരു ‘positive' ഊര്‍ജ്ജം ഉലല്‍പ്പാദിപ്പിക്കാന്‍ സാധിക്കുന്നു. നിങ്ങളുടെ മനസ്സ് നിങ്ങള്‍ക്കു വേണ്ടി മാത്രം പ്രവര്‍ത്തിക്കുന്നു.
'Better You' ജീവിതത്തില്‍ പ്രായോഗികമാക്കുന്നതിലൂടെ നമ്മളെക്കുറിച്ച് മറ്റുള്ളവരുടെ ചിന്താഗതി എങ്ങനെ വ്യത്യസ്ഥമാകും?
ആശയവിനിമയം, പ്രത്യേകിച്ച് വ്യക്തമായതും സ്പഷ്ടമായതുമായ സംസാരം, ബുന്ധിയുള്ളതും, പറയുന്ന വിഷയത്തില്‍ പ്രാവിണ്യം ഉള്ളതുമായിട്ടുള്ള ആളാണ് എന്ന തോന്നല്‍, കേള്‍വിക്കാരനില്‍ തോന്നിപ്പിക്കുന്നു. ഇതു പോലെ വിശദമായ ഒരു ആശയവിനിമയം ഇന്നു നമ്മുടെയില്‍ ഇല്ല എന്നു തന്നെ പറയാം.
കുടുംബബന്ധങ്ങളെ കെട്ടുറപ്പുള്ളതാക്കാന്‍ എത്രമാത്രം ഈ പഠനങ്ങള്‍ ഉപകരിക്കും?
ആശയവിനിമയത്തിന്റെ വാതില്‍ നാം തുറക്കുമ്പോള്‍,രക്ഷിതാക്കള്‍ക്കു,മക്കളെയും, അവര്‍ക്കു തിരിച്ചും, മനസ്സിലാക്കനുള്ള ഒരു അവസരമാണ്. രക്ഷിതാക്കളുടെ നിലയില്‍ നിന്നിറങ്ങി, മക്കളോട്, അവരുടെ കൂട്ടുകാരുടെ നിലയില്‍ പെരുമാറിയാല്‍, പല സംഗതികളും തുറന്നു സംസാരിക്കാന്‍, മക്കള്‍ മുന്‍കൈ എടുക്കുന്നു. പഴയകാലം പോയി എന്നു തന്നെ പറയാം. പല തരത്തിലുള്ള ആള്‍ക്കാരെയും സംഭവങ്ങളും വിദ്യര്‍ഥികളായ,അവരുടെ മുന്നില്‍ക്കൂടി കടന്നു പോകുന്നു, അതു വേര്‍തിരിച്ച‍രിച്ചറിയാനും, മനസ്സിലാക്കാനുമുള്ള കഴിവ് മാതാപിതാക്കളില്‍ നിന്നാണ് കിട്ടേണ്ടത്.
തൊഴില്‍പരമായ മേഘലകളില്‍ ശേഭിക്കാ‍ന്‍ ഈ പഠനങ്ങള്‍ എത്രമാത്രം സഹായിക്കും?
മറ്റുള്ള 'positive mind-study'കളില്‍ നിന്ന് ഇത് എത്രമാത്രം വ്യത്യസ്ഥമാണ്?
ഇവിടെയുള്ള പഠനരീതികളില്‍ കൂടുതലും ആശയവിനികയത്തില്‍ അധിഷ്ടിതമാണ്. സന്തുലിതമായ മാത്രുകാനുസൃതമായ ഒരു മനസ്സിനു മാത്രമേ ഫലവത്തായ ഒരു ആശയനിനിമയം നടത്താന്‍ സാധിക്കയുള്ളു. ഗുണകരമായ ചിന്താഗതികള്‍ ഉണ്ടാക്കുന്ന ഒരു മാനസികാവസ്ഥ ഉണ്ടാക്കിയെടുക്കുക എന്നതാണ് ഡോക്ടരുടെ പഠനത്തിന്റെ അടിസ്ഥാനം. “ Better You" എന്ന പ്രോഗ്രമിലൂടെ Dr.ഏബ്രഹാം നമ്മുടെ മനസ്സിനെയും അതിന്റെ ചിന്താഗതിയെയും ആണ് ക്രമീകരിക്കുന്നത്. നമ്മുടെ തന്നെ മനസ്സില്‍,നാം മന‍സ്സിലാക്കതെ കിടക്കുന്ന ഒരു “നമ്മെ”ത്തന്നെ മന‍സ്സിലാക്കാന്‍ ഇത് ഉപകരിക്കുന്നു.
"Better You" പ്രോഗ്രം തിരുവനവന്തപുരത്ത്
ജൂണ്‍ രണ്ടാം വാരത്തില്‍,തിരുവന്തപുരത്ത്,രണ്ടുദിവസത്തെ ക്ലസ്സുകള്‍,Dr.ഏബ്രഹാം സംഘടിപ്പിക്കാന്‍ ഉദ്ദേശിക്കുന്നു. താല്പര്യം ഉള്ളവര്‍ ഡോക്ടറെ നേരിട്ടോ,ഓര്‍ക്കുട്ട് പേജുകള്‍ വഴി ,അദ്ദേഹത്തോട് സംസാരിക്കവുന്നതാണ്.
Dr.A.ഏബ്രഹാം എന്ന വ്യക്തിയെക്കുറിച്ച് ഒരു മുഖവുര
ഡോക്ടര്‍.ഏ.ഏബ്രഹാം, 1946-ല്‍ ജനിച്ചു. അദ്ദേഹം വര്‍ഷങ്ങള്‍ ലെഡനില്‍,പ്രാക്റ്റീസ് ചെയ്തതിനു ശേഷം,ലെ‍ഡന്‍ വിട്ട്,ഭാരതത്തില്‍ എത്തി. ഇന്ത്യകൂടാതെ,പല വിദേശരാജ്യങ്ങളിലും അദ്ദേഹം സഞ്ചരിച്ചിട്ടുണ്ട്. ഈ സഞ്ചാരത്തിനിടെ വൈദ്യശാസ്ത്രത്തിലും, മനശ്ശാസ്ത്രത്തിലും, പ്രഗല്‍ഭരായ മറ്റുപല വ്യക്തികളുമായും അടുത്ത് ഇടപഴകാന്‍ അദ്ദേഹത്തിനു കഴിഞ്ഞു. മറ്റുള്ളവരോടുള്ള തുറന്ന സമീപനവും, സമാധാനപരമായ പെരുമാറ്റവും അദ്ദേഹത്തിന്റെ മുതല്‍ക്കുട്ടായിരുന്നു. മാനസികമായും, ആത്മീയമായും മസുഷ്യന്‍ കടന്നു പൊയ്ക്കൊണ്ടിരിക്കുന്ന പിരിമുറുക്കങ്ങളില്‍ നിന്ന്,അവരെ പൂര്‍ണ്ണമായും എങ്ങനെ ഉയര്‍ത്തെഴുന്നേല്‍പ്പിക്കാം എന്ന ലക്ഷ്യപ്രാപ്തിക്കായി,അദ്ദേഹം തന്റേതായ ഒരു ശൈലി വാര്‍ത്തെടുത്തിരിക്കുന്നു. കേരളത്തില്‍ തിരിച്ചെത്തിയ അദ്ദേഹം തന്റെ തൊഴിലധിഷ്ടിത പഠനങ്ങള്‍ക്കും, പ്രവര്‍ത്തനങ്ങള്‍ക്കുമായി, തിരുവനന്തപുത്തു താമസമാക്കി, NLPയും മനശാസ്ത്രപഠനവും തുടര്‍ന്നു. ഒരു സര്‍ട്ടിഫൈഡ് NLP പ്രാക്റ്റീഷണര്‍ ആണ് അദ്ദേഹം.
Dr.ഏബ്രഹാമിന്റെ കാഴ്ച്ചപ്പാട്
കേരളത്തില്‍,സ്കൂളുകളിളിലും, കോളേജുകളിലും,ഉന്നതമായ പല സ്ഥലങ്ങളിലായിയും, ക്ലാസ്സുകള്‍ സംഘടിപ്പിക്കുകയും,പഴയതെങ്കിലും,കേരളത്തില്‍ പുതുതായി പ്രാചാരത്തില്‍ വന്നു കൊണ്ടിരിക്കുന്നതുമായ, ഈ പുതിയ മാനസിക സമീപനത്തെപ്പറ്റി, അദ്ദേഹം കൂടുതല്‍ പ്രചരിപ്പിക്കുകയുണ്ടായി.ദുബായ്, ഒമാന്‍,എന്നിങ്ങനെ പല ഗള്‍ഫ് നാടുകളില്‍,ആഴ്ച്ചകള്‍ നീണ്ടുനില്‍ക്കുന്ന,ക്ലാസ്സുകള്‍,വിദ്യാര്‍ഥികള്‍ക്കും, ഉദ്യോഗസ്ഥര്‍ക്കും വേണ്ടി,Dr.ഏബ്രഹാം നടത്തിയിട്ടുണ്ട്. അദ്ദേഹത്തിന്റെ കാഴ്ച്ചപ്പാടില്‍ ഇന്നത്തെ പിരിമുറുക്കങ്ങള്‍ ഓഫ്ഫിസുകളില്‍ ജോലി ചെയ്യുന്ന, പ്രവാസികളായവരില്‍ കൂടുതലായി കണ്ടുവരുന്നു. നാട്ടില്‍ നിന്ന് ബന്ധപ്പെട്ടവരെയും സ്വന്തക്കാരെയും വിട്ടകന്നാണ് പലരും ജീവിക്കുന്നത്. ഈ ഒരു വസ്തുതന്നെ മാനസികമായി വളരെ നമ്മെ തളര്‍ത്തുന്നു,കൂടെ ആവശ്യങ്ങളുടെയും ഉത്തരവാദിത്വങ്ങളുടെയും ഒരു നീണ്ട പട്ടികതന്നെയുണ്ടാവാം. ഇതിന്റെ പരിണിത ഫലമാണ്, പ്രായത്തിനതിതമായി നാം അനുഭവിക്കുന്ന, ശാരീരിക അസ്വാസ്ത്യങ്ങളും, അസുഖങ്ങളും. ഗര്‍ഫ് ജീവിതരീതികളെയും, ചൂടും കാറ്റും പൊടിയും, A/C,യുടെ പേരിലും പഴിചാരുമ്പോള്‍,നാം നമ്മോടു തന്നെ ചെയ്യുന്ന മാനസിക ദുഷ്ടതകള്‍ നമ്മള്‍ അറിയുന്നില്ല . ഇതു പറഞ്ഞു മന‍സ്സിലാക്കിത്തരുന്ന ഒരു സാധരണ പ്രകൃയയാണ് ഡോക്ടറുടെ ശൈലി. “പ്രശ്നങ്ങളെ അഭിമുഖീകരിക്കാനുള്ള കഴിവ്, നിങ്ങളുടേ ഉള്ളില്‍ത്തന്നെയുണ്ട്”,NPL എന്ന പഠനത്തിലൂടെ , കഴിവതും ആള്‍‍ക്കാര്‍ക്ക് ഈ തത്വം മനസ്സിലാക്കിക്കൊടുക്കുക,എന്നതായിരുന്നു അദ്ദേഹത്തിനെ ആദര്‍ശവും ജീവിതലക്ഷ്യവും .
മുഖം മനസ്സിന്റെ കണ്ണാടിയാണ്
മനുഷ്യന്റെ മനസ്സ്,പെരുമാറ്റം എന്നിവയെ പ്രതിപാദിക്കുന്ന പ്രായോഗികവുമായ വിജ്ഞാന മേഖലയാണ്‌ മനഃശാസ്ത്രം. വ്യക്തിയുടെ ദൈനംദിന ജീവിതപ്രശ്നങ്ങളും മാനസിക അസ്വാസ്ത്യങ്ങളുമുള്‍പ്പെടെ പല മേഖലകളില്‍ മനഃശാസ്ത്രം വിരല്‍ ചൂണ്ടുന്നു. മനുഷ്യന്റെ പ്രകൃതങ്ങളേയും പെരുമാറ്റങ്ങളേയും കൃത്യമായ പഠനത്തിനു 
വിധേയമാക്കി വിശദീകരിക്കുനതില്‍ മനഃശാസ്ത്രം ഇതര ശാസ്ത്രങ്ങളെക്കാള്‍ വളരെ മുന്നിലാണ്‌. ഏതൊരു ശാഖയേയും പോലെ മനഃശാസ്ത്രത്തിനും,പല വിജ്ഞാന മേഖലകളുമായി കൈകോര്‍‌‍ക്കേണ്ടി വന്നിട്ടുണ്ടെന്നതും,ഒരു വസ്തുതയാണ്‌. ഉദാഹരണത്തിന്‌ മനഃശാസ്ത്രം നാഡീശാസ്ത്രത്തില്‍ നിന്നും ഏറെ ഭിന്നമാണ്‌. പ്രാചീന ഗ്രീക്ക്‌ ഭാഷയിലെ "ആത്മാവ്‌" (soul) എന്നര്‍ത്ഥമുള്ള "സൈക്ക്‌"(psyche),"പഠനം"എന്നര്‍ത്ഥമുള്ള "ഓളജി" (ology) എന്നീ വാക്കുകളില്‍ നിന്നാണ് സൈക്കോളജി(മനഃശാസ്ത്രം) എന്ന പദമുണ്ടായത്‌. ഇതത്രെയും മനശാസ്ത്രത്തെപ്പറ്റി ഗ്രന്ധങ്ങളില്‍ പ്രദിപാദിച്ചിരിക്കുന്ന വസ്തുതകള്‍ ആണ്. എന്നാല്‍ ഈ പഠനങ്ങളില്‍ നിന്നും വ്യത്യസ്ഥമായതും എന്നാല്‍ ഇതിനു സമാനമായി പോകുന്നതുമായ,ഒരു പഠനമേഖലയാണ് എന്‍.എല്‍.പി (NLP-Neuro Linguistic Programming).
5 comments:
ഒരു പരീക്ഷണം കൂടി നടത്തട്ടെ കൂട്ടുകാരെ ....സഹകരിക്കുമല്ലോ അല്ലെ???
സപ്ന, ഒന്നുകൂടി ഇതു വായിക്കാന്‍ സാധിച്ചു. വളരെ നന്ദി. ഞാന്‍ ഡോക്ടറെ ഓര്‍ക്കുട്ടില്‍ പരിചയപ്പെട്ടിരുന്നു.
സ്വപ്നയുടെ ലേഖനം ഉചിതമായി.
പിരിമുറുക്കങ്ങള്‍ മനുഷ്യമനസ്സിന്റെ താളം തെറ്റിപ്പിയ്ക്കുന്ന ഇക്കാലത്ത്,
സ്വന്തം മനസ്സിന്റെ വാതായനങ്ങള്‍ തുറന്ന്..
പകല്‍ വെട്ടത്തില്‍ എല്ലാം നോക്കിക്കാണാനും
സ്വയം തിരിച്ചറിയുവാനും അവനു കഴിയാതെ വരുന്നു എന്നത് ഒരു യാഥാര്‍ത്ഥ്യം തന്നെയാണ്.
അവനാവശ്യം തന്റെ മനസ്സിന്റെ മണിപ്പൂട്ടു തുറക്കാനുള്ള ഒരു മാന്ത്രികത്താക്കോല്‍...
അതിനു സഹായകമാകുന്ന പല ഉപാധികളും ഇന്നു നിലവിലുണ്ട്..
അതിലൊന്നാണു എന്‍.എല്‍.പി.
ഏറ്റവും പ്രധാനം മനസ്സ് തുറക്കല്‍ തന്നെയാണ്..
സ്വപ്ന പറയുന്നതുപോലെ, ‘മനസ്സിന്റെ ശക്തി നിങ്ങളുടെ ഉള്ളീല്‍തന്നെ’..
സ്വന്തം മനസ്സു തുറക്കുക..
അതിലേക്കു കാറ്റും വെട്ടവും കയറ്റുക..
ആ വെട്ടത്തില്‍ എല്ലാം നോക്കിക്കാണുക...
തന്നെപ്പറ്റി ഒരി പുതിയ കണ്ടെത്തല്‍...
പുതിയ തിരിച്ചറിവ്..
ഒരു പുതിയ ഉണര്‍വ്വ് അതു നിങ്ങളിലുണ്ടാക്കും..
വേദങ്ങളും ഉപദേശിച്ചത് അതാണല്ലൊ..
‘നീ നിന്നെയറിയൂ’.....
സപ്നാ,
NLPയെക്കുറിച്ചുള്ള കുറിപ്പ് വായിച്ചു. തരക്കേടില്ല.
സ്ട്രെസ്സിനെക്കുറിച്ചുള്ള് ധാരാളം പഠനങ്ങളും വിശകലനങ്ങളും നമ്മുടെയിടയില്‍ നടക്കുന്നുമുണ്ട്. പ്രത്യേകിച്ചും, ഗള്‍ഫ് കേന്ദ്രീകരിച്ച്. പ്രവാസികള്‍ക്കാണ് കൂടുതല്‍ സ്ട്രെസ്സ്, അവരെയാണ് ഉന്നം വെക്കേണ്ടത് എന്ന മട്ടിലുള്ള തട്ടിപ്പുകള്‍ നിത്യവും നമ്മള്‍ കാണുന്നുമുണ്ട്.
NLPയും ചില തെറ്റായ നിഗമനങ്ങളില്‍ ചെന്നെത്തുന്നുണ്ട് എന്നാണ് എനിക്കു തോന്നുന്നത്.
പിരിമുറുക്കങ്ങള്‍ക്കു കാരണം, ചിട്ടയില്ലാത്ത ജീവിതവും, വിശ്രമമില്ലായ്മയുമാണ് എന്നു പറയുന്നതില്‍ ഒരു ചെറിയ ശതമാനം മാത്രമേ ശരിയുള്ളു.
മനസ്സു് ഒരു സാമൂഹ്യ ഉത്പന്നമാണ്, അതുകൊണ്ടുതന്നെ, അതിന്റെ പിരിമുറുക്കങ്ങള്‍ക്കു കാരണം അന്വേഷിക്കേണ്ടത്, സാമൂഹ്യതലത്തില്‍ നിന്നു കൊണ്ടുവേണം.സാമൂഹ്യ മനശ്ശാസ്ത്രത്തിന്റെ ഭാഗമായി വേണം അതിനെ മനസ്സിലാക്കേണ്ടതും പ്രതിവിധികള്‍ നിര്‍ദേശിക്കേണ്ടതും. ചുരുക്കത്തില്‍, സാമൂഹ്യപരമായ കാരണങ്ങളാലാണ്‍്, ഇത്തരം ‘ആധുനിക’ പ്രശ്നങ്ങള്‍ ഉണ്ടായിട്ടുള്ളത്.
NLP ഒരു പക്ഷേ സദുദ്ദേശ്ശത്തോടെയാവാം ഇതിനെ സമീപിക്കാന്‍ ശ്രമിച്ചിട്ടുള്ളത്. പക്ഷേ, ഇവിടെ (ഗല്‍ഫില്‍)അവതരിക്കുന്ന ഭൂരിപക്ഷം കപടനാടകക്കാരും, സ്ട്രെസ്സിനേയും, “പ്രവാസജന്യമായ” മറ്റനവധി രോഗങ്ങളേയും ചികിത്സിക്കാനെന്ന പേരില്‍, കൂടുതല്‍ക്കൂടുതല്‍ ആളുകളെ മനോരോഗികളാക്കി മാറ്റിക്കൊണ്ടിരിക്കുകയാണ് എന്നതാണ്‍് സത്യം.
500 ദിര്‍ഹം വാങ്ങി ശ്വാസം വിടാനും പിടിക്കാനും പഠിപ്പിക്കുന്ന ജീവനകലക്കാര്‍ക്കും, 500മുതല്‍ മുകളിലേക്ക് വാങ്ങി 'can you to you can" പോലുള്ള പരിപാടികള്‍ നടത്തുന്ന ആധുനിക വ്യക്തിഗത-മനശ്ശാസ്ത്ര-മാനേജ്മെന്റ് പ്രൊഫഷണലുകള്‍ക്കുമാണ് സാമാന്യ ബുദ്ധിയുടെ റിഫ്രഷര്‍ പാഠങ്ങള്‍ പഠിപ്പിച്ചുകൊടുക്കേണ്ടത്.
ഈ വിഷയത്തിനെക്കുറിച്ച് ഇനിയും കുറച്ചേറെ എഴുതാനുണ്ട്. അത്, മറ്റൊരിക്കലാവാം.
ഏതായാലും, പുരസ്കാരലബ്ധിക്കു അഭിനന്ദനങ്ങള്‍.
സ്വപ്നേച്ചി നന്നായി എഴുതിയിരിക്കുന്നല്ലോ വളരെ വിജ്ഞാന പ്രദമായിരിക്കുന്നു ഇത്..
അഭിനന്ദനങ്ങള്‍:):)
(ആ ഓര്‍കുടീലെ ലിങ്ക് വര്‍ക്കാവുന്നില്ല)
Post a Comment